माघ २४,
झापा । झापाको मुक्तीचोकमा किसानले अण्डा र कुखुरा सडकमा फालेर विरोध प्रदर्शन
गरेका छन । प्रदर्शनमा सहभागी किसान भरत चम्लागाईंले बताए अनुसार आफ्ना उत्पादनले
उचित मुल्य र बजार पाउनु पर्ने माग गर्दै आफूहरुले अण्डा र कुखुरा सडकमा फालेर
सरकारको ध्यानाकर्षण गराएको जानकारी दिएका छन ।
कृषि प्रदान देशमा कृषिमा
आत्मनिर्भर होउ भनेर सरकारले गरेको आग्रह अनुसार आफूहरु कृषि कर्ममा लागेको र
उत्पादन पनि गरेको तर सरकारले त्यसको बजारीकरणमा खासै चासो नदिएकोले सरकारको
ध्यानआकर्षण गर्नको लागी बाध्य भएर सडकमा उत्रिनु परेको उनले बताएका छन । सरकाले
हाम्रो समस्या कहिले देखेन उनि गुनासो
गर्छन ।
हाम्रो उत्पादन हामिसँग थोरैमा
किनेर बजारमा हाम्रो उत्पादित बस्तु धेरैमा बेच्ने बिचौलियाहरुको यस्तो अवस्था
हटाउन सरकारको ध्यान जानुपर्छ भन्ने पहल गरेका छौँ । उपभोक्ताले १५ रुपैयाँमा
पसलबाट किनेको एउटा अण्डाको मुल्य हामीले मात्र ८ रुपैयाँ पाउँछौ उनले भने, ‘सरकारले बजारीकरणमा सहयोग नगरेकै कारण किसान
मर्ने र बिचौलिया मोटाउने स्थिति सृजना भएको छ, यो स्थिति हटाउन सरकारले पहल गर्नुपर्छ।
किसानले प्रदर्शनको लागी सडकमा लिएर आएका अण्डा र कुखुराहरु त्यसै छाडेर फर्केका छन । ‘बढ्दो ब्याज, महँगीका कारण कुखुरा पाल्ने स्थिति नै छैन के पाल्नु भनेर त्यहीँ छाडेर आएको किसान भरत चम्लागाईंले बताएका छन । यस आन्दोलनमा झापाका सम्पुर्ण किसानको पुर्ण रुपमा सहमती रहेको जानकारी प्रदर्शनमा उपस्थित सबैले जानकारी दिए ।
