माघ १६, काठमाडौँ । प्रत्येक वर्ष माघ १६ गते मनाइने शहीद दिवस प्रजातन्त्र
स्थापना एवं पुनर्स्थापना तथा विभिन्न कालखण्डका स्वतन्त्रताका लागि आफ्नो जीवन आहुति दिने र देशका लागी अमर
बनेका शहीदको
सम्झनामा विविध कार्यक्रम गरी आज देशभर मनाइँदैछ । यही माघ १० देखि १६ गतेसम्म
विभिन्न कार्यक्रमका साथ शहीद सप्ताह मनाउने घोषणा गरी विविध कार्यक्रम हुँदै आएको
छ । प्रधानमन्त्री पुष्पकमल दाहाल ‘प्रचण्ड’ ले शहीदको सपना पूरा गर्न सबैले हातेमालो गरेर अगाडि बढ्नुपर्ने
बताएका छन्। ‘शहीदहरूले
देखाएको बाटोमा शब्दमा मात्र होइन, कर्ममा समेत
अनवरत रूपमा लामबद्ध हुन, उहाँहरूको त्याग र प्रेरणा राष्ट्र र
जनताको विकास एवं समृद्धिका लागि खर्चिने सङ्कल्प गर्न म आम जनसमुदायमा हार्दिक
अपिल गर्दछु’, सन्देशमा भनिएको छ।
विसं २०१२
देखि नै तत्कालीन काठमाडौँ महानगर नगरपालिकाको संयोजकत्वमा प्रत्येक वर्ष
माघ १६ गते शहीदको सम्झनामा दिवस मनाउन थालिएको हो । यो बर्ष पनि आज माघ १६ गते सोमबार शहीद दिवसका अवसरमा
बिहान शान्तिवाटिका रत्नपार्कदेखि शहीद स्मारक लैनचौरसम्म प्रभातफेरी कार्यक्रम
आयोजना गरिएको जनाइएको छ ।
-
bahar@gmail.com
