चैत ३, काठमाडौँ । देशमा अहिले स्थानीय वायुसँगै पश्चिमी
वायुको पनि सामान्य प्रभाव रहेको मौसम पूर्वानुमान महाशाखाले जनकारी दिदै आएको छ। यसको प्रभावले हाल देशभर आंशिकदेखि
सामान्य बदली रही लुम्बिनी प्रदेश, कोशी प्रदेश, मधेश प्रदेश, बागमती प्रदेशका केही स्थानहरूमा चट्याङसहित हल्का वर्षा
भइरहेको छ।
आज दिउँसो देशभरका स्थानहरुमा आंशिकदेखि सामान्य बदली रहने छ भने देशको पहाडी भू-भागका केही स्थानहरू तथा
तराई भू-भागका केही स्थानहरूमा हावाहुरीसहित मध्यम वर्षाको सम्भावना रहेको छ। यस्तै आज
शुक्रबार राति पनि पहाडी तथा तराईका एक-दुई
स्थानमा चट्याङ्गसहित हल्का वर्षाको सम्भावना कायमै रहेको छ र यो क्रम कम्तिमा आइतबारसम्मै जारी रहने मौसम
पुर्वानुमान महाशाखाले
जनाएको छ।
- न्युज बहार संवाददाता
