जेठ ७, काठमाडौँ । गत वर्षजस्तै यस
वर्षको मनसुन अवधिमा वर्षा र तापक्रम दुवै सरदरभन्दा बढी हुने प्रक्षेपण जल तथा
मौसम विज्ञान विभागले गरेको छ ।
बुधबार
ऋतुगत मनसुन प्रणालीको प्रक्षेपण सार्वजनिक गर्दै विभागले यस वर्षको मनसुन अवधिमा
वर्षा र तापक्रम दुवै सरदरभन्दा बढी हुने जानकारी गराएको हो ।
यसैगरी यस वर्ष
प्रि मनसुन सिजनमा सरदरभन्दा बढी वर्षा भइसकेको समेत विभागले जनाएको छ ।
मनसुनको
अवधि जुनदेखि सेप्टेम्बर महिनासम्मको अवधिलाई मानिन्छ । नेपालमा सामान्यतया जुन १३
तारिखदेखि मनसुन सुरु भएर अक्टुबर २ तारिखमा बाहिरिने गर्दछ ।
यस मनसुनको
अवधिमा नेपालमा वर्षभरी हुने वर्षाको ८० प्रतिशतसम्म वर्षा हुने गर्दछ ।
- न्युज बहार संवाददाता
