असार १३,
काठमाडौँ । मौसम पूर्वानुमान महाशाखाका अनुसार हाल देशभर मनसुनी वायुको प्रभाव
रहेको छ। यसको प्रभावले देशको पहाडी भूभागमा आंशिकदेखि साधरणतया बदली रही सुदूरपश्चिम
प्रदेश, लुम्बिनी प्रदेश, कोशी प्रदेश, बागमती प्रदेश, गण्डकी प्रदेश, कर्णाली प्रदेशका एक–दुई स्थानमा हल्का वर्षा
भइरहेको छ।
आज कोशी प्रदेश, गण्डकी प्रदेश, लुम्बिनी प्रदेश र सुदूरपश्चिम
प्रदेशका एक–दुई
स्थानमा भारी देखि धेरै भारी वर्षाको सम्भावना रहेको महाशाखाले जनाएको छ। महाशाखाका
अनुसार भारी वर्षाका कारण नदीको जल सतह बढ्ने, गेग्रान बहाव, बाढी, पहिरो, भूक्षय जस्ता प्रकोप हुन सक्ने
भएकोले जन स्वास्थ्य, कृषि, दैनिक जनजीवन, सडक तथा हवाई यातायातमा हुन
सक्ने असुविधा, जोखिम वा
क्षतिबाट बच्न आवश्यक सतर्कता अपनाउन अनुरोध छ।
- न्युज बहार संवाददाता
