जेठ १६, काठमाडौँ । यस वर्षको मनसुन नेपालमा सरदर मितिभन्दा १५ दिन छिटो प्रवेश गरेको छ । आज जल तथा मौसम विज्ञान विभागले विज्ञप्ति जारी गरी नेपालको पूर्व तर्फबाट यस वर्षको मनसुन बिहीबार रातिबाट प्रवेश गरी कोशी प्रदेशका अधिकांश भू–भागमा विस्तार भएको जनाएको हो । 

विभागका अनुसार मनसुनका कारण कोशी प्रदेशका अधिकांश मौसम केन्द्रमा हल्कादेखि मध्यम मनसुनी वर्षा भएको जनाएको छ ।

नेपालमा मनसुन भित्रिने सरदर मिति जुन १३ रहे पनि मे २९ मा नै नेपालमा मनसुन भित्रिएको जनाकारी विभागमा महानिर्देशक कमलराम जोशीले जनाएका छन । ‘यस ऋतुमा देशका अधिकांश स्थानमा सरदरभन्दा बढी वर्षा हुने सम्भावना छ । 

विभागले आगामी मनसुनमा सरदरभन्दा बढी वर्षा हुने प्रक्षेपण गरेको छ । विभागले आज सर्वाजनिक गरेको आगामी मनसुनको हावा पानी आकलन अनुसार यही जेठ १८ देखि असोज १४ सम्मको चार महिनाको मनसुन ऋतुमा देशका अधिकांश स्थानमा सरदरभन्दा बढी वर्षा हुने सम्भावना रहेको जानकारी दिएको छ  । 

• न्युज बहार संवाददाता