जेठ २७, काठमाडौँ । बिगत केहि दिन यता देशभर गर्मी बढेको छ । यस वर्ष सरदर मितिभन्दा १५ दिन अघि नै नेपालमा मनसुन भित्रिएको थियो। तर उक्त मनसुन कोशी प्रदेशभन्दा पश्चिमतर्फ भने सर्न सकिरहेको छैन भने मनसुन सक्रिय नहुँदा राम्रोसँग पानी पर्न नसकेको मौसमविदहरुले जनाएका छन ।
कोशी प्रदेशमा सक्रिय भएको मनसुनी वायुले पश्चिमी वायुलाई विस्थापित गर्दै पूर्वी नेपालबाट सुदूरपश्चिमसम्मै फैलिनुपर्छ । तर, मनसुन भित्रिएको १२ दिनको अवधिसम्म) पनि पश्चिमी वायु अझै शक्तिशाली छ ।
जल तथा मौसम विज्ञान विभागको मौसम पूर्वानुमान महाशाखाले अब मनसुनी वायु कोशी प्रदेशभन्दा पश्चिमतिर अघि बढ्दा चर्किएको घामबाट एक/दुई दिनमै राहत मिल्ने संकेत देखिएको मौसमविदले बताएका छन् ।
- न्युज बहार संवाददाता
