चैत १४, काठमाडौँ । देशमा अहिले पश्चिमी वायुसँगै स्थानीय वायुको पनि सामान्य प्रभाव रहेको मौसम पूर्वानुमान महाशाखाले जनाएको छ। यसको प्रभावले देशका पहाडी भूभागमा मौसम प्रतिकूल देखि रहेको छ । 

आज देशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहने महाशाखाले जनाएको छ।

आज गण्डकी प्रदेशको पहाडी भू-भागको केही स्थानहरुमा मेघ गर्जन र चट्याङ्ग सहित हल्का वर्षा भईरहेको छ भने आज दिउँसो सुदूरपश्चिम प्रदेश र कर्णाली प्रदेशका पहाडी भू-भागमा सामान्य बदली रहने छ।

त्यस्तै देशका पहाडी भू-भागका एक-दुई स्थानमा चट्याङ्गसहित हल्का वर्षाको सम्भावना पनि रहेको महाशाखाले जानकारी गराएको छ।

आज राति भने कर्णाली प्रदेश, गण्डकी  प्रदेश र कोशी प्रदेशका पहाडी भू-भागमा आंशिक बदली भइरहने छ। गण्डकी प्रदेश, बागमती प्रदेश र कोशी प्रदेशका पहाडी भू-भागका एक-दुई स्थानमा चट्याङ्ग सहित हल्का वर्षाको सम्भावना रहेको मौसम पुर्वनुमान महाशाखाले बताएको छ।

• न्युज बहार संवाददाता