फागुन २३, काठमाडौँ । देशमा
अहिले पश्चिमी वायुको सामान्य प्रभाव रहेको छ। आज कर्णाली प्रदेश, सुदूरपश्चिम प्रदेश र लुम्बिनी प्रदेश लगायत देशको पहाडी भू-भागमा
आंशिकदेखि सामान्य बदली रही बाँकी भू-भागमा मौसम सामान्यतया सफा रहने मौसम
पुर्वानुमान महाशाखाले जानकारी दिएको छ।
हाल देशमा
भइरहेको पश्चिमी वायुको प्रभावले गण्डकी प्रदेश, कोशी प्रेदेश, र कर्णाली प्रदेशका पहाडी भू-भागका एक-दुई स्थानमा
मेघ गर्जन र चट्याङ सहित हल्का वर्षाको सम्भावना रहेको महाशाखाले बताएको छ।
साथै कर्णाली
प्रदेश, कोशी प्रदेश र गण्डकी प्रदेशका उच्च
पहाडी तथा हिमाली भू-भागका एक-दुई स्थानमा हल्का हिमपातको पनि सम्भावना
रहेको छ।
यस्तै आज राती बागमती
प्रदेश, कोशी प्रदेश र गण्डकी प्रदेशका
पहाडी भू-भागमा आंशिक बदली रही देशका बाँकी भू-भागमा आंशिक बदली देखि मौसम
सामान्यतया सफा रहने मौसम पुर्बानुमान महाशाखाले जानकारी दिएको छ।
- न्युज बहार संवाददाता
