फागुन ८, काठमाडौँ । साताको अन्तिम कारोबार दिन (बिहीबार) नेप्से परिसूचक एकल अंकले बढेर बन्द भएको छ ।
यस
दिन नेप्से परिसूचक ३.१४ अंकले बढेर २७४३.७४ विन्दुमा बन्द भएको हो ।
नेप्सेमा
एकल अंकको बृद्धी भएतापनि यस दिन कारोबार रकम भने घटेको छ । आज बजारमा ८ अर्ब ६२
करोड ७६ लाख रुपैयाँ बराबरको एक कारोड ५६ लाख ३७ हजार कित्ता शेयर खरिदबिक्री भएको
छ ।
आज एउटा कम्पनी गार्डियन
माइक्रो लाइफ इन्स्योरेन्सको शेयर सकारात्मक सर्किट लेभलमा कारोबार भएको छ भने यस
दिन बाराही हाईड्रोपावर कम्पनीको शेयर मूल्य सर्वाधिक ८.३५ प्रतिशतले घटेको छ ।
यस दिन कारोबार रकमका आधारमा नेपाल
पुनर्बीमा कम्पनी पहिलो नम्बरमा
रहेको छ । उक्त कम्पनिको ६५ करोड ६६ लाख
रुपैयाँ भन्दा बढीको शेयर खरिदबिक्री भएको छ ।
आज कारोबारमा आएका
१३ उपसमूहमध्ये ४ उपसमूहको परिसूचक बढेको छ भने ९
उपसमूहको परिसूचक घटेको छ।
यस दिन सर्वाधिक ३.७७ प्रतिशतले व्यापार उपसमूहको परिसूचक बढेको छ। आज वित्त बैंकिङ, विकास बैंक, होटल तथा पर्यटन, हाईड्रोपावर, लगायतका उपसमूहको परिसूचक घटेको छ ।
- न्युज बहार संवाददाता
