मंसिर १४, कञ्चनपुर । सरकारी अनुदानबाट कञ्चनपुरका उखु किसानहरु वञ्चित छन् । किसानहरुले अझै पनि गत वर्षको अनुदान पाउन सकेका छैनन् ।
किसानले उत्पादन गरेको उखु नेपाली चिनी उद्योगलाई बिक्री गर्ने किसानलाई सरकारले अनुदान दिँदै आएको थियो । प्रत्येक वर्ष सरकारले चिनी उद्योग सञ्चालित जिल्लाका कोष तथा लेखा नियन्त्रकको कार्यालयलाई अनुदानबापतको रकम उपलब्ध गराउने व्यवस्था गरेको छ । तर भने गत वर्षको अनुदान समेत कञ्चनपुरका उखु किसानले पाउन सकेनन् ।
कञ्चनपुरका उखु किसानले रु ३२ करोड अनुदान रकम पाउन बाँकी रहेको उखु उत्पादक किसान हकहित संरक्षण समितिका कोषाध्यक्ष चेतनकुमार राईले बताए । उनले भने, “कञ्चनपुरका दुई सुगर मिलबाट किसानलले पाउनुपर्ने सो अनुदान रकम सरकारले निकासा गरेको छैन, गत वर्षकै अनुदान रकम नपाएपछि किसान समस्यामा परेका छन्।”
- न्युज बहार संवाददाता
