असार २३,
ताप्लेजुङ । लम्पी स्किन रोगको सङ्क्रमण पुन: फैलिन थालेको छ। अहिले ताप्लेजुङका ६
स्थानीय तहमा लम्पी स्किन फैलिएको छ । जिल्लाका नौ मध्ये ६ वटा स्थानीय तहका
पशुचौपायामा सङ्क्रमण देखिएको भेटनरी अस्पताल तथा पशुसेवा विज्ञ केन्द्रले जनाएको
छ ।
हालसम्म
३४ पशु बस्तुमा लम्पी स्किनको सङ्क्रमण पुष्टि र सङ्क्रमण सिदिङ्वा गाउँपालिकाका– २, मेरिङदेनका १०, सिरिजङ्गाका ५, फक्ताङलुङका दुई, फुङलिङ नगरपालिकाका ७ र आठराई
त्रिवेणी गाउँपालिकाका आठ पशु बस्तुमा देखिएको केन्द्रका प्रमुख डा रोशन दाहालले
जानकारी दिएका छन।
लम्पी
स्किन सुरुमा फुङलिङ नगरपालिका–१० फुरुम्बु र वडा नं ७ तथा ८ दोखुमा देखिएको थियो । सङ्क्रमण
पुष्टि भएपछि सम्बन्धित स्थानीय तह, भेटनरी अस्पताल तथा पशुसेवा
विज्ञ केन्द्र र अन्य सम्बन्धित निकायले सङ्क्रमण नियन्त्रणका लागि रोकथाम उपाय
अपनाएका छन् ।
- न्युज बहार संवाददाता
