असोज ६, ढोरपाटन । ढोरपाटन र निसेलढोर क्षेत्रका कृषक आलु भित्र्याउने चटारोमा छन् । किसानहरुले गत भदौ दोस्रो सातादेखि आलु भ्यिाउन थालेका हुन र अहिले पनि भ्याइनभ्याइ छ । किसानले वर्षौँदेखि व्यावसायिक रुपमा आलु खेती गर्दै आएका छन भने सयौँ क्वीन्टल आलु वर्षेनी उत्पादन गर्ने गरेका छन् । तर यसरी उत्पादन आलुले भने उचित बजार नपाएको किसानले गुनासो गरेका छन ।
निसेलढोर र ढोरपाटन भौगोलिक विकटताका कारण ओझेलमा परेको क्षेत्र हो । यस क्षेत्रमा हजारौँ रोपनी क्षेत्रफलमा किसानले आलु लगाउँदै आएका छन् भने पाँच वर्ष अगाडिसम्म ढुवानीको समस्या खेप्दै आएका किसानले अहिले भने मूल्य नपाएको दुःखेसो गरेका छन ।
यस क्षेत्रमा आलु उत्पादन भए पनि भारतबाट आएको आलुका कारण स्थानीय उत्पादनले बजार पाउन सकेको छैन । घण्टौँ सम्म लगाएर बजारमा ल्याएको आलुले कम मूल्य पाउँदा किसान मर्कामा पर्ने गरेका छन् ।
- न्युज बहार संवाददाता
