बैशाख १, काठमाडौँ । मौसम पूर्वानुमान महाशाखाले देशमा अहिले स्थानीय वायुको साथै पश्चिमी वायुको आंशिक प्रभाव रहेको जनाएको छ। स्थानीय वायुको साथै पश्चिमी वायुको आंशिक प्रभावले यति वेला देशका पहाडी भू-भागहरूमा आंशिक बदली रही बाँकी भू-भागको मौसम सामान्यतया सफा रहेको महाशाखाले जानकारी गराएको छ।
आज शुक्रबार दिउँसो देशका पहाडी भू-भागमा आंशिक देखि सामान्य बदली रहने छ भने देशका पहाडी भू-भागका एक-दुई स्थानमा चट्याङ्ग सहित क्षणिक वर्षाको सम्भावना समेत रहेको छ।
यस्तै आज सुदूरपश्चिम प्रदेश र लुम्बिनी प्रदेशका र तराईका केही थोरै स्थानहरूमा हावा-हुरीको समेत सम्भावना रहेको पुर्वानुमान रहेको छ ।
- न्युज बहार संवाददाता
