पुस २३, काठमाडौँ । मौसम पुर्वानुमान महाशाखाको अनुसार हाल नेपालमा पश्चिमी वायुको आंशिक प्रभाव रहेको छ । यसको प्रभावले सोमबार कर्णाली प्रदेश, गण्डकी प्रदेश, बागमती प्रदेश र कोशी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने पुर्वानुमान रहेको छ ।
त्यस्तै गण्डकी
प्रदेश र कोशी प्रदेशको उच्च पहाडी तथा हिमाली भू-भागको एक-दुई स्थानमा हल्का
हिमपातको पनि सम्भावना रहेको छ।
मौसम
पूर्वानुमान महाशाखाका अनुसार तराई भू-भागका केही स्थानहरूमा बिहानीपख
हुस्सु/कुहिरो लाग्ने तथा अपराह्न सम्ममा क्रमिक रूपमा सुधार हुँदै जान सक्ने छ ।
- न्युज बहार संवाददाता
