जेठ १३, काठमाडौँ । मौसम पुर्वानुमान महाशाखाका अनुसार हाल नेपालमा भारतको उत्तर प्रदेश आसपास रहेको न्यून चापीय प्रणालीको र स्थानीय वायुको आंशिक प्रभाव रहेको छ। यसको प्रभावले कर्णाली प्रदेश, गण्डकी प्रदेश र बागमती प्रदेश लगायत देशको पहाडी भूभागमा आंशिक देखि साधरणतया बदली रही बाँकी भूभागमा मौसम सफा रहेको छ  । 

आज आइतबार दिउँसो देशको पहाडी भूभागमा आंशिक देखि साधरणतया बदली रही बाँकी  भूभागमा आंशिक बदली देखि मौसम सफा रहने छ । कर्णाली प्रदेश, लुम्बिनी प्रदेश, गण्डकी प्रदेश र कोशी प्रदेश लगायत देशको पहाडी भूभागका थोरै स्थानहरूमा तथा बाँकी भूभागका एक–दुई स्थानमा चट्याङ्ग र हावाहुरीसहित हल्का देखि मध्यम वर्षाको सम्भावना रहेको महाशाखाले जनाएको छ ।

त्यस्तै आज राति पनि कोशी प्रदेश, मधेस प्रदेश र  सुदूरपश्चिम प्रदेश लगायत बाँकी पहाडी भूभागका एक–दुई स्थानमा हावाहुरीसहित हल्कादेखि मध्यम वर्षा तथा चट्याङ्ग र हावाहुरीसहित हल्का वर्षाको सम्भावना रहेको छ। 

• न्युज बहार संवाददाता