कार्तिक
१७, काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी वायुको
आंशिक प्रभाव रहेको छ। यसको प्रभावले हाल देशको पहाडी भूभागमा आंशिक बदली रही
बाँकी भूभागको मौसम सामान्यतया सफा रहेको छ।
आज शुक्रबार
दिउँसो देशको पहाडी भूभागहरूमा आंशिक देखि सामान्य बदली रही बाँकी भूभागमा मौसम
सामान्यतया सफा रहनेछ भने देशका केही पहाडी भूभागका थोरै स्थानहरूमा चट्याङ्गसहित
हल्का वर्षाको सम्भावना रहेको छ। त्यस्तै देशको उच्च पहाडी तथा हिमाली भूभागका
थोरै स्थानहरूमा हल्का हिमपातको पनि सम्भावना रहेको महाशाखाले जनाएको छ।
त्यसैगरी
आज राति देशको पहाडी भूभागमा आंशिक बदली रही बाँकी भूभागको मौसम सामान्यतया सफा
रहनेछ। गण्डकी प्रदेश, कोशी प्रदेश, र बागमती प्रदेशका उच्च पहाडी तथा
हिमाली भूभागका एक–दुई
स्थानमा हल्का हिमपातको सम्भावना रहेको छ।
- न्युज बहार संवाददाता
