फागुन २४, काठमाडौँ। मौसम पूर्वानुमान महाशाखाले देशमा
अहिले पश्चिमी वायुको सामान्य प्रभाव
रहेको बताएको छ। यसको प्रभावले यतिवेला कर्णाली, सुदूरपश्चिम, गण्डकी र लुम्बिनी प्रदेश लगायत देशको
पहाडी भू-भागमा आंशिक देखि सामान्य बदली रही रहेको छ।
आज बुधबार दिउँसो देशका पहाडी क्षेत्रहरुका थोरै स्थानहरूमा चट्याङ्गसहित
हल्कादेखि मध्यम वर्षाको सम्भावना रहेको छ। देशको उच्च पहाडी तथा हिमाली भू-भागका थोरै
स्थानमा हल्का हिमपातको पनि सम्भावना रहेको छ।
आज राति गण्डकी
प्रदेश र कोशीप्रदेशका पहाडी भू-भागका एक-दुई स्थानमा चट्याङ्गसहित हल्का वर्षाको
सम्भावना रहेको महाशाखाले जानकारी दिएको छ। कर्णाली प्रदेश, गण्डकी प्रदेश र कोशी प्रदेशका
उच्च पहाडी
तथा हिमाली भू-भागका एक-दुई स्थानमा हल्का हिमपातको सम्भावना रहेको छ।
- न्युज बहार संवाददाता
