असोज १२, काठमाडौँ । शुक्रबार देखि निरन्तर परेको वर्षाले काठमाडौँ उपत्यकामा रेकर्डब्रेक गरेको छ । काठमाडौँ उपत्यकामा आज वर्षकै सर्वाधिक वर्षा भएको बताइएको छ । जल तथा मौसम विज्ञान विभाग मौसम पूर्वानुमान महाशाखाका अनुसार आज बिहान वर्षा मापन सुरु भएयताकै बढी वर्षा भएको हो । यो रेकर्ड ब्रेक वर्षाले ठुलो धनजनको क्षति गराएको छ ।

शुक्रबार देखि निरन्तर परेको वर्षाले तीन जिल्ला ललितपुर, भक्तपुर र काठमाडौँमा गरेर ३४ जनाको मृत्यु समेत भएको छ । बढीका कारण १५ जना घाइते छन् । प्रहरीका अनुसार ४८१ जनाको उद्धार गरिएको छ र २१ जना हराइरहेका छन ।

उपत्यकाको बागमती, नख्खु लगायतका सबै नदीमा आएको बाढीले करिडोर सडक मात्र नभएर आसपासमा भएका संरचनामा समेत क्षति पुर्‍याएको छ । शुक्रबार र शनिबार गरि काठमाडौँ उपत्यकामा यति धेरै वर्षा भयो कि केही वर्षा मापन केन्द्रमा यस वर्षाले रेकर्ड नै तोडिएको छ ।

ललितपुरको चापागाउँमा सबैभन्दा बढी वर्षा भएको छ । 

• न्युज बहार संवाददाता