फागुन
१४, काठमाडौँ । आज आइतबार अपरान्ह काठमाडौंमा यसपालिको पहिलो हिउँद वर्षा भएको छ। मौसम पूर्वानुमान महाशाखाकी
बरिष्ठ मौसमविद् शान्ति कँडेलका अनुसार आइतबारको वर्षा काठमाडौको लागी यसपालिको
पहिलो हिउँदे वर्षा भएको
जानकारी दिएकी छिन ।
कँडेलले
भनिन् ‘अहिले
भर्खर बाट साँखु, मुलपानि टोखा लगायत अन्य क्षेत्रमा पानी पर्न सुरू भएको छ। साँझसम्म
काठमाडौं अरू ठाउँमा पनि छिटफुट
वर्षा हुने सम्भावना रहेको छ, यो काठमाडौंमा यसपालिको पहिलो हिउँदे
वर्षा हो।’
पश्चिमी
वायुको प्रभावका कारण आइतबार देशैभरिका पहाडी क्षेत्रमा मौसम बदली भएको छ भने
पोखरा, लमजुङ, गोरखालगायतका क्षेत्रमा दिउँसो देखि
नै हल्का वर्षा भएको छ।
मौसमविद्
कँडेलले प्रि-मनसुनको अवधि सुरू हुन लागेकाले वर्षासँगै हावाहुरी पनि चल्न सक्ने
भएकाले सजगता अपनाउन आग्रह समेत गरेकि छिन।
आज केही
घन्टामै पानी रोकिएर आकाश खुल्ने भए पनि भोलि दिउँसो भने अली धेरै समय मौसम बदली
हुने सम्भावना रहेको उनले बताइन्।
