असार ९, काठमाडौँ । देशमा अहिले मनसुनी वायुको साथै भारतको
उत्तर प्रदेश आसपास रहेको न्यून चापीय प्रणालीको पनि प्रभाव रहेको छ।
यसैको प्रभावले शनिबार देशभर सामान्य बदली रहनेछ भने देशभर केही स्थानहरूमा
मेघ-गर्जन/चट्याङसहित हल्कादेखि मध्यम वर्षाको सम्भावना रहेको छ।
सुदूर पश्चिम प्रदेश, लुम्बिनी प्रदेश र गण्डकी प्रदेशका एक-दुई स्थानमा भारी
वर्षाको पनि सम्भावना रहेको मौसम पूर्वानुमान महाशाखाले जनाएको छ।
मौसम
पूर्वानुमान महाशाखाका अनुसार मनसुन प्रणाली नेपालभर फैलिएको छ। महाशाखाले मनसुनको
आगमन सँगै सबै क्षेत्रमा खराब मौसमका कारणले हुन सक्ने जोखिम वा क्षतिबाट बच्न आवश्यक
सतर्कता अपनाउन हुन अनुरोध गरेको छ ।
- न्युज बहार संवाददाता
