असार १४, काठमाडौँ । मौसम पुर्वानुमान महाशाखाका अनुसार हाल देशभर मनसुनी वायुको प्रभाव  रहेको छ। यसको प्रभावले अहिले विभिन्न प्रदेशमा साधरणतया देखि पूर्णतया बदली रही कर्णाली प्रदेश, गण्डकी प्रदेश, कोशी प्रदेश, बागमती प्रदेश र मधेस प्रदेशको थोरै स्थानहरूमा चट्याङ्ग सहित हल्का देखि मध्यम वर्षा भइरहेको छ।

आज दिउँसो देशभर साधरणतया देखि पूर्णतया बदली रही  कोशी प्रदेश लगायत गण्डकी प्रदेश सुदूरपश्चिम  प्रदेश, बागमती प्रदेश र कर्णाली प्रदेशका केही स्थानहरूमा र  बाँकी प्रदेशका थोरै स्थानहरूमा चट्याङ्ग सहित हल्का देखि मध्यम वर्षाको सम्भावना रहेको छ भने सुदूरपश्चिम प्रदेश र कोशी प्रदेशको थोरै स्थानहरू र बाँकी प्रदेशका  एक–दुई स्थानमा भारी वर्षाको पनि सम्भावना रहेको छ। 

त्यस्तै आज राति लुम्बिनी प्रदेश, गण्डकी प्रदेश र बागमती प्रदेशका धेरै स्थानहरू साथै बाँकी प्रदेशका  केही स्थानहरूमा चट्याङ्गसहित हल्का देखि मध्यम वर्षाको सम्भावना रहेको छ भने गण्डकी प्रदेश, कोशी प्रदेश, र बागमती प्रदेशका एक–दुई स्थानमा धेरै भारी वर्षाको  पनि सम्भावना रहेको छ । 

• न्युज बहार संवाददाता