जेठ २९, काठमाडौँ । देशमा अहिले पश्चिमी वायुका साथै भारतको बिहारमा रहेको न्यून चापीय प्रणालीको आंशिक प्रभाव रहिरहेको छ। पश्चिमी वायुका साथै भारतको बिहारमा रहेको न्यून चापीय प्रणालीको आंशिक प्रभावले बागमती प्रदेश र कोशी प्रदेशको थोरै स्थानहरूमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।
आज सोमबार बागमती प्रदेश, मधेस प्रदेश र कोशी प्रदेशलगायत देशका पहाडी भू-भागमा आंशिकदेखि सामान्य बदली रही बाँकी भू-भागमा मौसम सामान्यतया सफा रहने पुर्वानुमान गरिएको छ। गण्डकी प्रदेश बागमती प्रदेश र कोशी प्रदेशका थोरै स्थानहरूमा र मधेस प्रदेश लगायत बाँकी प्रदेशका पहाडी भू-भागका एक-दुई स्थानमा मेघ-गर्जन र चट्याङसहित हल्कादेखि मध्यम वर्षाको सम्भावना रहेको छ ।
आज देशका मध्य तथा पश्चिम तराईका भू-भागहरूमा अत्यधिक गर्मी बढ्ने सम्भावना रहेको छ ।
- न्युज बहार संवाददाता
