बैशाख १९, काठमाडौँ । देशमा अहिले पश्चिमी वायुको साथै स्थानीय वायुको प्रभाव रहेको छ।
पश्चिमी वायुको साथै स्थानीय वायुको प्रभावले हाल देशभर आंशिक देखि सामान्य बदली रहेको छ मौसम पूर्वानुमान महाशाखाले जनाएको छ।
आज मंगलबार दिउँसो बागमती प्रदेश, मधेस प्रदेश र कोशी प्रदेशमा आंशिकदेखि सामान्य बदली रहने छ।
देशभरका पहाडी भू-भागका केही स्थानहरूमा चट्याङ्गसहित हल्का देखि मध्यम खलाको वर्षाको सम्भावना रहनुका साथै तराईका थोरै स्थानहरूमा चट्याङ्गसहित मध्यम वर्षाको सम्भावना रहेको छ।
त्यस्तै आज राति सुदूरपश्चिम प्रदेश, कर्णाली प्रदेश र गण्डकी प्रदेशका पहाडी भू-भागका थोरै स्थानहरूमा र देशका बाँकी भू-भागमा चट्याङ्गसहित मध्यम वर्षाको सम्भावना रहेको महाशाखाले जानकारी गराएको छ।
- न्युज बहार संवाददाता
