चैत ८, काठमाडौँ । देशमा अहिले स्थानीय वायु सँगै पश्चिमी वायुको प्रभाव रहिरहेको छ।
मौसम पूर्वानुमान महाशाखाले हाल देशको पश्चिमी भू-भागमा भारतको उत्तर प्रदेशमा रहेको निम्न चापीय प्रणालीको पनि प्रभाव रहेको जानकारी दिएको छ ।
यसको प्रभावले देशका पहाडी भू-भागका केही स्थानहरूमा हल्का वर्षा भइरहेको छ। आज बुधबार दिउँसो पनि देशभर आंशिक देखि सामान्य बदली रहने छ।
यही वायुका कारण आज बागमती प्रदेश, कोशी प्रदेश र गण्डकी प्रदेशका साथै बाँकी प्रदेशका पहाडी भू-भागका थोरै स्थानहरूमा तथा तराई भू-भागका एक-दुई स्थानमा चट्याङ्गसहित मध्यम वर्षाको सम्भावना रहेको महाशाखाले बताएको छ।
आज राति पनि
देशका पहाडी भू-भागमा आंशिक देखि सामान्य बदली रहने र देशको पहाडी भू-भागका एक-दुई
स्थानमा चट्याङ्गसहित हल्का वर्षाको सम्भावना रहेको छ।
यसैगरि आगामी
तीन दिन सम्म मौसममा यस्तै रहने र मौसममा सुधार नआउने सङ्केत देखिएको
मौसमविद्हरूले जनाएका छन्।
- न्युज बहार संवाददाता
