भदौ २८, काठमाडौँ । अहिले मनसुनको न्यून चापीय रेखा  सरदर स्थानको दक्षिणतिर अवस्थित रहेको छ । साथै नेपालमा अहिले भारतको उत्तर प्रदेशआसपासको क्षेत्रमा रहेको न्यून चापीय प्रणालीको समेत आंशिक प्रभाव रहेको छ । यसको प्रभावले हाल देशभर आंशिकदेखि सामान्य बदली रही गण्डकी प्रदेश र बागमती प्रदेशका  थोरै स्थानहरू तथा  बाँकी प्रदेशको एक–दुई स्थानमा चट्याङ्ग सहित  हल्का वर्षाको  भइरहेको मौसम पूर्वानुमान महाशाखाले जनाएको छ।

आज दिउँसो  गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेश लगायत देशका  पहाडी  भूभागमा आंशिक देखि सामान्य बदली र बाँकी भूभागमा आंशिक  बदली रही लुम्बिनी प्रदेश, कर्णाली प्रदेश   र सुदूरपश्चिम प्रदेशका  केही  स्थानहरू लगायत देशका  पहाडी भूभागका थोरै स्थानहरूमा चट्याङ्गसहित हल्का देखि  मध्यम  वर्षाको  सम्भावना  रहेको  छ।

त्यसैगरी आज राति भने गण्डकी प्रदेश, बागमती प्रदेश, ,  मधेस प्रदेश र कोशी प्रदेशका थोरै र बाँकी प्रदेशका एक–दुई  स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ।

• न्युज बहार संवाददाता