चैत्र १,
काठमाडौँ । मौसम पूर्वानुमान महाशाखाले देशमा अहिले स्थानीय वायु तथा पश्चिमी
वायुको सामान्य प्रभाव रहेको जनाएको छ। यसको प्रभावले लुम्बिनी प्रदेशमा र
गण्डकी प्रदेशमा सामान्य बदली रही देशका अन्य प्रदेशका पहाडी तथा हिमाली
भू-भागहरूमा आंशिक बदली रहेको छ ।
आज
दिउँसो बागमती प्रदेश, गण्डकी प्रदेश र कोशी प्रदेशको पहाडी भू-भागका केही स्थानहरूमा
अपराह्नतिर चट्याङ्गसहित हल्का वर्षाको सम्भावना रहेको छ।
आज
बुधबार राति देशको पहाडी भू-भागहरूमा आंशिक देखी सामान्य बदली तथा बाँकी भू-भागमा
आंशिक बदली देखि मौसम सामान्यतया सफा रहने महाशाखाले बताएको छ।
त्यस्तै सुदूरपश्चिम
प्रदेश, कोशी प्रदेश, गण्डकी प्रदेश, बागमती प्रदेश र देशको पहाडी भू-भागका एक-दुई स्थानमा चट्याङ्गसहित हल्का
वर्षाको सम्भावना रहेको मौसम पुर्वनुमान महाशाखाले जानकारी दिएको छ।
- न्युज बहार संवाददाता
