बैशाख ६, काठमाडौँ । मौसम पूर्वानुमान महाशाखाले देशमा अहिले स्थानीय वायुको साथै पश्चिमी वायुको आंशिक प्रभाव रहेको जनाएको छ।
स्थानीय वायुको साथै पश्चिमी वायुको आंशिक प्रभावले हाल कोशी प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू-भागमा आंशिक देखि सामान्य बदली रहेको छ।
आज दिउँसो देशका पहाडी भू-भागमा आंशिक देखी सामान्यतया बदली रहि कर्णाली प्रदेश, गण्डकी प्रदेश र सुदूरपश्चिम प्रदेशको पहाडी भू-भागका थोरै स्थानहरूका साथै कोशी प्रदेश र बागमती प्रदेशका पहाडी भू-भागमा चट्याङ्गसहित क्षणिक वर्षाको सम्भावना रहेको महाशाखाले जानकारी दिएको छ।
यस्तै आज सुदूरपश्चिम प्रदेश र लुम्बिनी प्रदेशहरूका तराईका केही स्थानहरूमा हावा-हुरीको सम्भावना साथै उपत्यका लगायत देशका केही भू-भागहरुमा तुवाँलोको पनि सम्भावना रहेको छ महाशाखाले जनाएको छ ।
आज बुधबार राति भने सुदूरपश्चिम प्रदेश, कर्णाली प्रदेश र गण्डकी प्रदेशको पहाडी भू-भागका थोरै स्थानहरूमा तथा कोशी प्रदेश र बागमती प्रदेशका पहाडी भू-भागमा चट्याङ्गसहित क्षणिक वर्षाको सम्भावना रहेको छ।
- न्युज बहार संवाददाता
