साउन १५, काठमाडौँ । राष्ट्रिय स्वतन्त्र पार्टी (रास्वपा) का प्रमुख सचेतक सन्तोष परियारले प्रतिनिधिसभालाई सरकार र प्रमुख प्रतिपक्षी दल नेकपा एमालेले बन्दी बनाएको आरोप लगाएका छन् ।
संघीय संसद भवन नयाँ बानेश्वरमा आज सोमबार पत्रकारहरुसँग कुरा गर्दै उनले उच्च स्तरीय छानबिन समिति बनाउन नचाहने सरकार र बनाउनैपर्ने प्रमुख प्रतिपक्षी दलको अडानले संसद बन्दी बनेको बताएका हुन् ।
उनले भने ‘सरकार र प्रतिपक्षको द्वन्द्वमा संसद बन्दी भएको छ।’
त्यसैगरी सांसद परिवारले आफूहरु सरकार पक्ष र प्रमुख प्रतिपक्षको पेलानमा परिरहेको समेत बताएका छन ।
- न्युज बहार संवाददाता
