फागुन २३, काठमाडौँ। छापावाला सुन मंगलबार प्रतितोला तीन सय रूपैयाँले घटेको छ।
गएको आइतबार एक लाख दुई हजार आठ सय रूपैयाँमा कारोबार भएको छापावाला सुन आज मंगलबार एक लाख दुई हजार पाँच सय रूपैयाँले कारोबार भएको नेपाल सुनचाँदी व्यवसायी महासंघले जानकारी दिएको छ।
महासंघका
अनुसार चाँदीको मूल्य पनि आज प्रतितोला १० रूपैयाँले घटेको छ।
एक हजार
दुई सय ७५ रूपैयाँले आइतबार कारोबार भएको चाँदी मंगलबार प्रतितोला एक हजार दुई सय
६५ रूपैयाँमा कारोबार भइरहेको छ।
आज मंगलबार
अन्तर्राष्ट्रिय बजारमा सुन प्रतिऔंस १८ सय ४७ अमेरिकी डलर रहेको छ।
- न्युज बहार संवाददाता
