फागुन ७,
काठमाडौँ। प्रधानमन्त्री पुष्पकमल दाहाल ‘प्रचण्ड’ले आइतबार बिहान टुँडिखेलमा
आयोजित प्रजातन्त्र दिवस समारोहलाई सम्बोधन गर्दै बृहत्तर राष्ट्रिय सहमति आजको
ऐतिहासिक आवश्यकता भएको बताएका छन् । प्रधानमन्त्रीले बदलिएको
राजनीतिक व्यवस्थाअनुरूप जनताको अवस्था बदल्न सरकार क्रियाशील रहेको पनि बताएका
हुन् ।
आज
मानाइदै गरेको ७३ औँ प्रजातन्त्र मूल समारोह समितिका अध्यक्ष समेत रहेका
प्रधानमन्त्रीले शुभकामना व्यक्त गर्दै भने, ‘फागुन ७ गते नेपाल र नेपाली
जनताका निम्ति सबै बन्दा ठुलो ऐतिहासिक महत्त्वको दिन हो। आजभन्दा ठिक ७३
वर्षअगाडि हाम्रा अग्रज पुर्खाहरूले प्रजातान्त्रिक अधिकारका निम्ति जीवनमरणको
संघर्षमार्फत् जहानियाँ निरङ्कुश व्यवस्थामाथि विजय हासिल गरेका थिए। प्रधानमन्त्रीले
शुभकामना दिदै भने यस महत्त्वपूर्ण दिनमा प्रजातान्त्रिक अधिकार, गणतान्त्रिक व्यवस्था र
राष्ट्रियताको रक्षाका निम्ति आफ्नो जीवनको बलिदान गर्नुहुने महान् सहिदहरूप्रति
भावपूर्ण श्रद्धाञ्जली अर्पण गर्दछु। सम्पूर्ण बेपत्ता योद्धाहरूप्रति उच्च
सम्मानसहित उनिहरुलाई स्मरण गर्दछु। विभिन्न आन्दोलन र सङ्घर्षका क्रममा घाइते एवं
अङ्गभङ्ग हुनुभएका सम्पूर्ण योद्धाहरूको शीघ्र स्वास्थ्यलाभसहित दीर्घायुको कामना
गर्दछु। ’
सैनिकमञ्च
टुँडिखेलमा विशेष समारोह आयोजना गरी ७३ औं प्रजातन्त्र दिवसमा आयोजितमा
कार्यक्रममा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल
प्रचण्ड, कायम
मुकायम प्रधानन्यायाधीश हरिकृष्ण कार्की, सभामुख देवराज घिमिरे, मन्त्रीहरु, उच्चपदस्थ कर्मचारीलगायतको
सहभागिता थियो । कार्यक्रमलाई प्रधानमन्त्री प्रचण्डले सम्बोधन गरेका थिए ।
