फागुन ७,
काठमाडौँ । डिजेल आयात चालू आर्थिक वर्ष २०७९/८० मा ह्वात्तै घटेको पाइएको छ । गएको
आर्थिक वर्षको ६ महिनाको तुलनामा चालू आर्थिक वर्षको सोही अवधिमा डिजेलको आयात
ह्वात्तै घटेको सरकारी तथ्याङ्कले देखाएको हो । अर्थमन्त्रालयले भन्सार विभागबाट
लिएर सार्वजनिक गरेको तथ्यांकअनुसार चालू आर्थिक वर्षको ६ महिनाको अवधिमा डिजेलको
आयात ३३.६५ प्रतिशतले घटेको हो । आयात प्रभावित बनेपछि डिजेलबाट सङ्कलन हुने
भन्सार राजश्व समेत प्रभावित बनेको छ ।
खास गरी, चालू आर्थिक वर्षमा विकास
निर्माणका काम नगण्य मात्रामा हुँदा यसको प्रभाव डिजेल आयातमा परेको हो । निर्माण
क्षेत्रमा प्रयोग हुने ‘हेभी
इक्वीपमेन्ट’हरुमा इन्धनकारुपमा डिजेलको बढी प्रयोग
हुन्छ ।
