भदौ
२२, काठमाडौँ । आइतबार नेपाली बजारमा सुन
र चाँदीको मूल्यले नयाँ कीर्तिमान कायम गरेको छ। पछिल्ला केही दिनदेखि लगातार
उकालो लागिरहेको सुन र चाँदीको मूल्य आइतबार फेरि उकालो लाग्दै अघिल्ला सबै
रेकर्डहरू तोड्दै उच्च बिन्दुमा पुगेको हो।
नेपाल सुनचाँदी व्यवसायी संघका अनुसार, आइतबार छापावाल सुनको मूल्य प्रतितोला २
लाख १२ हजार रुपैयाँ पुगेको छ, जुन हालसम्मकै
सबैभन्दा महँगो मूल्य हो। अघिल्लो दिन, अर्थात् शुक्रबार, सुन प्रतितोला २ लाख १० हजार ४००
रुपैयाँमा कारोबार भएको थियो। त्यसको तुलनामा आइतबार सुनको मूल्य १ हजार ६००
रुपैयाँले वृद्धि भएको हो।
चाँदीको मूल्य पनि
उकालो लाग्दै नयाँ रेकर्ड बनाएको छ। शुक्रबार प्रतितोला २ हजार ४९० रुपैयाँमा
कारोबार भएको चाँदी आइतबार १० रुपैयाँ बढेर २ हजार ५০০ रुपैयाँमा कारोबार भइरहेको छ।
- न्युज बहार संवाददाता
