माघ २५, काठमडौँ । प्रहरीले ६ जनालाई अपहरणको नाटक गरेको आरोपमा पक्राउ गरेको छ। पक्राउ पर्नेमा चन्द्रागिरि नगरपालिका-१३ पुरानो
नैकापस्थित पिस ब्याम्बो रिसोर्टबाट स्थानीय कान्छामान जिम्बा, विदुर बस्नेत, चितवनका दिलिप विक, काभ्रेका
जगतबहादुर भोलान, आशमान लामा, र सर्लाहीका भोला महतो नुनिया
पक्राउ परेका हुन् ।
काठमाडौं
उपत्यका अपराध अनुसन्धान कार्यालयका सूचना अधिकृत प्रहरी उपरीक्षक सोमेन्द्र सिंह
राठौरका अनुसार कान्छामान जिम्बा, जगतबहादुर
भोलान, र आशमान लामा अपहरणमा परेको खबर आएको थियो। उनीहरुले अपहरणमा नपरी अपहरण
भएको भन्दै परिवारका सदस्यलाई खबर गरेका जानकारी राठौरले जानकारी दिए ।
उनीहरू तीनै जनाले आफ्नो आफ्नो परिवारलाई फोन गरी अपहरणमा परेको
भनि बताएको थिए र आफूहरू अपहरणमा परेको र अपहरणबाट फुत्किन साढे तीन लाख बुझाउनु
पर्ने र पैसा नबुझाए फुत्किन सम्भव नभएको बताएका थिए।
यसरी अपहरणमा परेको खबर पाएपछि परिवारले काठमाडौं उपत्यका अपराध अनुसन्धान कार्यालयमा जानकारी गराएका थिए । त्यसपछी पैसा पुर्याउन भनेर कान्छामानका ज्वाइँ र जगतबहादुरकी श्रीमती प्रहरीसँग कलंकीमा पुगेका थिए ।फिरौतिको पैसा लिन अपहरणकारी आउला भनेर प्रहरीले कुरेर बसेको थियो तर त्यहाँ अपहरण गर्ने व्यक्तिहरू कोही पनि आएनन्। बरू उल्टै मोटरसाइकल चढेर अपहरणमा परेको भनिएका जगतबहादुर नै आइपुगेका थिए।
एसपी राठौरले बताए “अपहरणमा परेकै व्यक्ति पैसा लिन आएपछि उनीमाथि थप सोधपुछ गरी अनुसन्धान अघि बढाएका थियौँ”।
उनीमाथि सोधपुछ गरी प्रहरी त्यही रिसोर्टमा पुग्यो जहाँ अपहरणमा परेको भनिएका आशमान र कान्छामान सहित अन्य व्यक्तिहरू रक्सी खाएर बसेका थिए। उनीहरूको नाटक थाहा पाएपछि प्रहरीले सबैलाई एकै ठाउँबाट प्रकाउ गरेको एसपी राठौरले बताएका छन।
