भदौ २८, काठमाडौँ
। वैदिक सनातन धर्मावलम्बीले प्रत्येक वर्ष भाद्र कृष्ण औँसीका दिन मनाइने कुशे
औँसी पर्व आज मनाइदैँछ। आजको दिन मनावर्षभरि पितृकार्य तथा देवकार्यमा प्रयोग गरिने
पवित्र कुश घरघरमा भित्र्याइने प्रचलन रहेको छ ।
शास्त्रीय
मान्यता रहेको धर्मशास्त्रविद् एवं नेपाल पञ्चाङ्ग निर्णायक समितिका सदस्य प्रा डा
देवमणि भट्टराईले आजका दिन उखेलिएको कुश वर्षभर प्रयोग गर्न सकिने र अरु दिन
उखेलिएको कुश त्यसै दिन मात्र उपयोग गर्न सकिने जानकारी दिएका छन ।
त्यसैगरी आज बुबाको मुख हेर्ने तथा पृतीसम्मान दिवस पनि हो। परम्पराअनुसार छोराछोरीले यसै अवसरमा आ–आफ्ना बुबालाई मन पर्ने मिठाई तथा भोजन खुवाई आदर सम्मान प्रकट गर्ने र बाबुको मुख हेर्ने चलन पनि छ। बुबा नहुनेहरुले भने विभिन्न पवित्र स्थानमा गई आफ्ना बुबाको नाममा पिण्डदान, तर्पण तथा श्राद्ध गरी सिदा दान गर्ने गर्दछन ।
काठमाडौँको उत्तरपूर्वी भेगस्थित गोकर्णेश्वर महादेव मन्दिर परिसरमा आजको दिनमा विशेष मेला लाग्ने गर्दछ । यसैले आजको औँसीलाई गोकर्णे औँसीका नामले पनि चिनिने गरिन्छ । आजको दिनमा गोकर्णेश्वर महादेव मन्दिर परिसरमा दिवङ्गत बुबाको नाममा तर्पण, पिण्डदान तथा सिदादान गर्नेको भीड लाग्ने गरेको छ ।
देशका विभिन्न भाग एवं भारतबाट समेत हजारौँ भक्तजन प्रत्येक वर्ष भाद्रकृष्ण औँसीका दिन गोकर्णेश्वर महादेव मन्दिर क्षेत्रमा पितृतृप्तीको कामनाले आउने गरेका छन ।
