बैशाख ३०, काठमाडौँ । आगामी जेठ २६ गते देखि नेपालभर रिलिजको तयारीमा रहेको नेपाली चलचित्र ‘नीरफूल’को ट्रेलर सार्वजनिक भएको छ ।
यो फिल्म २०७२ सालमा आएको भूकम्पको कथावस्तुमा आधारित छ भने यसको रिलिज कोरोना महामारीका बेला लकडाउन भएपछि रोकिएको थियो र अहिले रिलिज हुने लागेको हो।
यस फिल्ममा दयाहाङ राई, शान्ति वाइबा, बुद्धि तामाङ, जिग्मे छ्योकीको मुख्य भूमिका रहेको रहेको छ। यसको निर्देशन फूलमान बलले गरेका हुन् ।
सार्वजनिक भएको ट्रेलरमा भूकम्पपछि धादिङको रुबी भ्यालीबाट उद्धार गरेर काठमाडौं ल्याइएकी एउटी छोरीको खोजीमा निस्कने एक दम्पतीको संघर्षलाई देखाइएको छ।
- न्युज बहार संवाददाता
