कार्तिक २७, काठमाडौँ । सरकारले सामाजिक
सञ्जाल टिकटकमाथि प्रतिबन्ध लगाउने निर्णय गरेको छ । सामाजिक सञ्जाल नियमन गर्ने
निर्देशिका जारी गरेको दुई दिनपछि सरकारले टिकटकमाथि प्रतिबन्ध नै लगाउने निर्णय
गरेको हो । आज सोमबार बसेको मन्त्रिपरिषद् बैठकले सर्वसाधारणको पहुँचमा रहेको तथा
सबै भन्दा लोकप्रिय सार्वजनिक ‘प्लाटफर्म’ माथि
प्रतिबन्ध लगाउने निर्णय गरेको हो ।
सञ्चार एवं
सूचनाप्रविधि मन्त्री रेखा शर्माका भनाइ अनुसार, टिकटकबाट सामाजिक सद्भाव बिगार्ने काम भएकोले त्यसलाई बन्द गर्ने निर्णय
गरिएको हो ।
तर सरकारले टिकटकबाट सामाजिक
सद्भाव बिगार्ने के कस्तो काम भयो भन्ने बारेमा अहिलेसम्म सार्वजनिक जानकारी
गराएको भने छैन ।
- न्युज बहार संवाददाता
