पुस १६, काठमाडौँ । अहिले देशभर मेला, महोत्सवको माहोल बनिरहेको छ । यही समय, कलाकार र फिल्मलाई पनि प्रवर्द्धनको चटारो परेको छ । ‘हात्तीछाप’ फिल्मले पनि प्रदर्शन मिति नजिकिँदै गर्दा जिल्लाका महोत्सव पुगेर फिल्मको प्रचार गर्दैछ ।
फिल्म ‘हात्तीछाप’ अभिनेता सौगात मल्लसहितको फिल्म टोली व्यस्त रहेका छन । अभिनेता सौगात मल्ल, प्रस्तुतकर्ता किरण नेपाली, अभिनेता कमलमणि नेपाल लगायतको फिल्म टोली पश्चिमबाट पूर्वतर्फ फिल्म महोत्सव पुगेर दर्शकलाई फिल्म हेर्न अपील गरिरहेका छन् ।
अभिनेत्री उपासना सिंह ठकुरी र अभिनेता बुद्धि तामाङ भने फिल्म प्रवर्द्धनका लागि दाङमा पुगेका छन् ।
पश्चिम नेपालको प्रचार सकेर फिल्मको टोली काठमाडौँ फर्किनेछ ।
- न्युज बहार संवाददाता
