कार्तिक २७, काठमाडौँ । टिकटक बन्द गर्न नेपाल दूरसञ्चार प्राधिकरणले इन्टरनेट सेवा प्रदायक संस्थाहरूलाई पत्राचार गरेको छ।
प्राधिकरणका सहायक प्रवक्ता
अच्युतानन्द मिश्रले आज सोमबार बसेको मन्त्रिपरिषदको निर्णयपछि इन्टरनेट सेवा
प्रदायक कम्पनीहरूलाई प्राधिकरणले टिकटक बन्द गर्न पत्राचार गरिसकेको जानकारी दिएका
छन ।
मिश्रका अनुसार मुख्यालयलाई पनि
टिकटक बन्द गरेकोबारे खबर गरिएको छ।
यस विषयमा थप जानकारी गराउँदै उनले
भने ‘हामीले
सबै इन्टरनेट प्रदायक संस्थाहरूलाई पत्र काटेर टिकटक बन्द गर्न भनेका छौँ, टिकटकको मुख्यालयलाई पनि जानकारी
गराइसकेका छौं। सरकारको निर्णय आउनेबित्तिकै हामीले पत्राचार गरेका हौँ, अब २४
घन्टाभित्र टिकटक बन्द भइसक्छ।’
तर
यता सामाजिक सञ्जालमा भने टिकटक बन्द गर्ने सरकारको निर्णयको चौतर्फी विरोध
भइरहेको छ।
- न्युज बहार संवाददाता
