भदौ ४, काठमडौँ । म्युजिक भिडियोको रुपमा ‘ह्यासट्याग माया’लाई सार्वजनिक गरिने भएको छ । दिवंगत अभिनेता सारुक ताम्राकारको अन्तिम फिल्म समेत रहेको ‘ह्यासट्याग माया’लाई म्युजिक भिडियोको रुपमा सार्वजनिक गरिने जनाइएको हो ।
उनले काम गरिरहेको ‘ह्यासट्याग माया’ फिल्ममा समावेश उनको मात्र दृश्यांशहरुलाई समेटेर भिडियोलाई आगामी साता सार्वजनिक गर्ने तयारी गरिएको छ ।
सारुकको मेहनत र अन्तिम कामलाई दर्शकमाझ ल्याएर उनलाई श्रद्धाञ्जली व्यक्त गर्ने उद्देश्यले भिडियो ल्याउन लागिएको प्रोडक्सन म्यानेजर अरुण रेग्मीले बताएका छन ।
यस भिडियोलाइ ‘ट्रिब्युट टु सारुक’ नाम दिइएको छ । भिडियोमा सारुक र अर्की एक अभिनेत्रीको दृश्यलाई मात्र समेटिने बताइएको छ ।
- न्युज बहार संवाददाता
