फागुन १५, काठमाडौं
। फिल्म निर्माता छविराज ओझा र अभिनेत्री शिल्पा पोखरेलबीच औपचारिक रुपमै
सम्बन्धविच्छेद भएको छ । तीन वर्ष पुरानो मुद्दामा काठमाडौं जिल्ला अदालतले सुनुवाइ
गर्दै आइतबार अंशबण्डासहित सम्बन्धविच्छेद गर्ने फैसला सुनाएको हो । साथै, अंशबण्डा नभएसम्मको लागी मानापाथी भर्न
समेत ओझालाई काठमाडौं जिल्ला अदालतले आदेश दिएको छ ।
काठमाडौं जिल्ला अदालतलका न्यायाधीश शंकरप्रसाद राईको एकल इजलासले यस्तो आदेश दिएको हो । आफ्नो वेबसाइट मार्फत अदालतले शिल्पाको उजुरीमा दाबी पुग्ने फैसला सुनाएको हो ।अदालतको आदेशानुसार अब छविको आधा सम्पत्ति भागबण्डासहित सम्बन्धविच्छेद भई शिल्पाको हुनेछ भने अंशबण्डा नहुन्जेलसम्म छविले शिल्पालाई मासिक रुपमा मानाचामल भर्नुपर्नेछ । रमेशप्रसाद गुरागाईं शिल्पाका कानुन व्यवसायीले शिल्पाले न्याय पाएको अनुभूति गराउन आफूहरु सफल भएको प्रतिक्रिया दिएका छन।
- न्युज बहार संवाददाता
