असार १२,
काठमाडौँ । गायक प्रकाश सपुतले रोमानियामा भएको कन्सर्टमा आफूलाई बोतल प्रहार
गर्ने एक नेपाली युवकलाई माफी दिएका छन् ।
सपुतसँगै
बुचारेस्ट पुगेकी गायिका प्रीति आलेले सामाजिक सञ्जालमा सार्वजनिक गरेको भिडियोमा प्रकाश
सपुतले त्यस युवकलाई माफी दिएको देख्न सकिन्छ ।
उक्त भिडियोमा
सपुतले आफुलाई बोतल प्रहार गर्ने ति युवकसँग हात मिलाएको र अँगालो हालेर मिलेको देखिएको
छ ।
सार्वजनिक
भएको भिडियोमा गायक सपुतले भनेका छन ‘मेरो नाकमा पनि दुखेको छ र मनमा पनि ।
यसले मलाई भन्दा पनि तपाईंको लाइफमा असर गर्छ । आइन्दा यस्तो काम नगर्नुहोला, तपाईंले गर्दा मेरो मोरल डाउन भएको छ ।
तपाईंको लाइफलाई तलमाथि हुन नदिन पनि माफी दिएको हुँ ।’
- न्युज बहार संवाददाता
