फागुन १४, काठमाडौं । उच्च अदालत पोखरामा आज अभिनेता पल शाहको मुद्दाको सुनुवाइ भइरहेको छ । नवलपुर जिल्ला अदालतले बालयौन दुरुपयोगमा दोषी ठहर गर्दै शाहलाई साढे दुई वर्षको जेल सजाय सुनाएको थियो । उनले उच्च अदालतमा उक्त फैसलाविरुद्ध पुनरावेदन गरेका थिए ।
अहिले न्यायाधीश डिल्लीराज आचार्य र श्रीधराकुमारी पुडासैनीको संयुक्त इजलासमा भइरहेको सुनुवाइमा पलका वकिलहरुले बहस गरिरहेका छन् । शाहका कानुन व्यवसायी कमलामोहन वाग्लेले सुनुवाइपछि आजै साँझसम्म आदेश आउन सक्ने सम्भावना रहेको जानकारी दिएका छन ।
