असार ३, काठमाडौँ। बलिउड फिल्म 'आदिपुरुष' गत शुक्रबारदेखि अलहरुमा प्रदर्शनमा आएको हो। यस फिल्ममा दक्षिण भारतीय बाहुबली अभिनेता प्रभास, कृति सेनन र सैफ अली खानको मुख्य भुमिका रहेको यस फिल्मले नेपालमा औसt कमाई गरेको छ।
नेपालमा प्रदर्शन हुनुअघि फिल्मको विरोध भएको थियो। फिल्ममा प्रयोग गरिएको संवादका कारण फिल्म विवादमा तानिएको हो। यस फिल्मको 'सीता भारतकी छोरी हुन्' भन्ने संवादमा नेपालले आपत्ती जनाएको थियो।
यसै विवादित संवादका कारण शुक्रबार बिहानी शो बन्द समेत भएको थियो भने सोही दिन ११ बजेपछि फिल्म प्रदर्शन गरिएको थियो। यस फिल्मले नेपालमा अहिले औसत कमाइ गरिरहेको छ।
फिल्मले शुक्रबार र शनिबार दुई दिनमा १ करोड ५० लाखबढी कमाइ गरेको चलचित्र विकास बोर्डको बक्स अफिस तथ्यांकले देखाएको छ। यसको आधिकारीक जानकारी बोर्डका सदस्य रवि अधिकारीले दिएका छन।
- न्युज बहार संवाददाता
