फागुन
१५, काठमाडौँ । हिजो बुधबारबाट रिलिजमा आएको फिल्म हो ‘मायावी’ । दर्शकले बिदाको दिनमा सुखद
ओपनिङ गरेको फिल्मको कथालाई मन पराएका छन् । तर महाशिवरात्रिको अवसर पारेर रिलिज
भएको फिल्म अहिले पाइरेसीको मारमा परेको छ ।
‘मायावी’ रिलिजको दिन अर्थात हिजो बुधबारबाटै
टिकटकमा पाइरेसी भएको छ । टिकटकमा अहिले फिल्मको महत्त्वपूर्ण दृश्य समेत भाइरल भइरहेको छ ।
फिल्मको
भाइरल दृश्यले फिल्म प्रति दर्शकको उत्सुकतालाई कम गराउन सक्नेछ । दर्शकले टिकटकमा
फिल्मको क्लाइमेक्स समेत खिचेर पोस्ट गरिदिएपछी निर्माण पक्ष यतिबेला तनावमा देखिएको
छ ।
महत्त्वपूर्ण
दृश्य खिचेर टिकटकमा नराखिदिन फिल्मका लेखक तथा निर्देशक दिवाकर भट्टराईले आग्रह
गरेका छन् । टिकटकमा आएको दृश्यको विषयमा निर्माता साइबर ब्युरोमा उजुरी दिने
तयारीमा रहेको उनले बताएका छन ।
- न्युज बहार संवाददाता
