भदौ २२, काठमाडौँ । आगामी असोज २६ गतेबाट फिल्म ‘परदेशी २’ प्रदर्शनमा आउने भएको छ । यो फिल्म दसैँको फूलपाती अर्थात कात्तिक ४ मा प्रदर्शन आउने तयारीमा रहेको थियो तर अब एक साता अगाडि नै आउने भएको छ ।
कात्तिक ४ मा रिलिज हुने भनिएको फिल्म ‘पशुपति प्रसाद २ : भस्मे डन’सँग यो फिल्म जुध्न लागेको थियो तर दुबै फिल्मका टिमसँग सल्लाह गर्दै अलग–अलग प्रदर्शन गर्ने सहमती भएको हो । दुबृ टिमको सहमती पछी ‘परदेशी २’ असोज २६ गते र ‘भस्मे डन’ कात्तिक ४ गते बाट प्रदर्शन गर्ने सहमति भएको छ ।
नारायण रायमाझी निर्देशित ‘परदेशी २’ मा गायक प्रकाश सपूतले मुख्य भुमिका निर्बाह गरेका छन यही फिल्म बाट सपुतले अभिनेताको रूपमा डेब्यू गरेका छन । सपुत बाहेक यसमा केकी अधिकारी, दिलीप रायमाझी, प्रशान्त तामाङ, वर्षा सिवाकोटी, नीर शाह, सुशील पोखरेल, रमा थपलिया, भीमा मैनाली, सविन बास्तोला, देवेन्द्र बब्लु, रोशनी कार्कीलगायतले अभिनय गरेका छन ।
‘पशुपति प्रसाद २ : भस्मे डन’ फिल्मका निर्देशक दीपेन्द्र के खनाल हुन भने पटकथा र निर्माण खगेन्द्र लामिछानेको रहेको छ । विपिनसहित यस फिल्ममा स्वस्तिमा खड्का, सौगात मल्ल, माओत्से गुरुङ, रविन्द्रसिंह बानियाँ, प्रकाश घिमिरे, मिश्री थापा, लोकेन्द्र लेखक, विभु पौडेल, सजन थापा मगर, र प्रकाश दाहालको पनि अभिनय छ ।
- न्युज बहार संवाददाता
