बैशाख १७, पाँचथर । हिजो साँझ पाँचथरमा चट्याङले लागेर एकै गोठका ५४ वटा भेडा मरेका छन् ।
हिजो साँझ पाँचथर जिल्लाको फालेलुङ गाउँपालिका-३ देउरालीमा बान्टेको रुखमुनि ओत लागेर बसेका भेडालाई चट्याङले लागेको थियो ।
जिल्ला प्रहरी कार्यालय पाँचथरले चट्याङले लागेर स्थानीयवासीले संयुक्त रुपमा पाल्दै आएका ५४ वटा भेडा मृत फेला परेको तथा १२ वटा घाइते फेला परेको जनाएको छ । चट्याङले लागेर भेडाको रेखदेख गर्दै आएका ५५ वर्षीय प्रेम राई घाइते भएका छन् ।
- न्युज बहार संवाददाता
