भदौ १५, फिक्कल
। इलामका युवाहरु चौँरीपालन गरेर व्यावसायिक बन्न थालेका छन् । इलामको लेकाली
क्षेत्रका युवाको लोप हुँदै गएको चौँरीपालन पेसाप्रति आकर्षण बढेको हो ।
वैदेशिक रोजगारीमा गएको १० वर्षपछि सन्दकपुर गाउँपालिका–२ का रामबहादुर राई स्वदेश फर्किएर अहिले चौँरीपालन गरिरहेका छन् । परम्पारगतरूपमा यस ठाउँको धुपी क्षेत्रमा चौँरीपालन हुँदै आएको थियो । अहिले राईको गोठमा २५ चौँरी रहेका छन् । घरपालुवा उराङ जातिका चौँरी पालेका छन ।
त्यसैगरी सन्दकपुर–४ को बिखेभञ्ज्याङ क्षेत्रमा पनि चौँरीपालन गरिँदै आएको छ । यस क्षेत्रका चौँरी पाल्ने किसानले दूध, घ्यू र छुर्पी बेचेर वार्षिकरूपमा रु पाँच लाखसम्म आम्दानी गर्दै आएका छन् । अहिले युवाले हिमाली क्षेत्रको आम्दानीको स्रोतका रूपमा रहेको चौँरीपालनमा सक्रियता देखाएका छन् ।
शीतल–सुन्दर घाँसेमैदान र लेकाली हावापानीमा सन्दकपुर–२ को धुपीक्षेत्र चौँरीपालनको पकेट क्षेत्र बनेको छ । चौँरी जङ्गली र घरपालुवागरी दुई प्रकारको हुन्छ ।
- न्युज बहार संवाददाता
