असार ११, काभ्रे । काभ्रे जिल्लाको करिब ३५ हजार पशुमा ‘लम्पी स्किन’ रोगको सङ्क्रमण पुष्टी भएको छ।
लम्पी स्किन’ रोग गत वैशाख पहिलो साता धुलिखेल नगरस्थित रविगाउँको पशुमा पहिलो पल्ट देखिएको थियो। सो रोगले अहिले काभ्रेपलाञ्चोकको १३ वटै स्थानीय तहमा फैलिसकेको भेटेरीनरी अस्पताल तथा पशु सेवा विज्ञ केन्द्रले जनाएको छ ।
‘लम्पी स्किन’ रोग जिल्लामा पहिलोपटक धुलिखेल–२ रविगाउँमा देखिएकोमा अहिले जिल्लाका १३ वटै स्थानीय तहमा देखिएको केन्द्रका निमित्त प्रमुख डा कार्कीले बताएका छन ।
उनका अनुसार करिव दुई महिनाको अवधिमा पक्स समूहको काप्रीपक्स भाइरसबाट गाई, भैँसीमा लाग्ने लम्पी स्किन रोग जिल्लाका सबै स्थानीय तहको गाउँ तहमा पुग्दा ३५ हजार पशुमा सङ्क्रमण देखिएको तथ्याङ्कले जनाएको छ।
- न्युज बहार संवाददाता
