बैशाख २७, पर्वत । पर्वत जिल्लाको जलजला गाउँपालिकाले सामुदायिक शिक्षालाई गुणस्तरीय, प्रविधियुक्त र युग अनुकूलको शिक्षाका रूपमा विकास गर्ने अभियान सञ्चालन गरेको छ। उक्त अभियान अन्तर्गत गाउँपालिकाले प्राविधिक शिक्षा अध्ययन गर्ने विद्यार्थीका लागि अनुदान दिने भएको छ ।
गाँउपालिकाले गाउँपालिकामै सञ्चालित बाली विज्ञान पढ्ने विद्यार्थीका लागि बार्षिक रु ३६ हजार सहयोग गर्ने निर्णय गरेको छ ।
गाउँपालिकाका अध्यक्ष राजुप्रसाद आचार्यले गाउँपालिकाको मङ्गलबार बसेको बैठकले जलजला गाउँपालिकाभित्रका सामुदायिक विद्यालयमा अध्ययन गरी आधारभूत तह कक्षा ८ उत्तीर्ण गरी कक्षा ९ मा ग्रामप्रकाश मावि जलजला–५ लेकफाँटमा प्राविधिक धारतर्फ ९बाली विज्ञान विषयमा अध्ययन गर्ने विद्यार्थीलाई मात्रै उक्त सुविधा दिने भएको जानकारी दिएका छन ।
अध्यक्ष आचार्यले प्राविधिक
शिक्षातर्फ विद्यार्थीलाई आकर्षित गर्न गाउँपालिकाले यो अवधारणा ल्याएको बताएका हुन ।
उनले अहिले विद्यालयमा कक्षा ८ उत्तीर्ण गरी ९ मा गएका ३९
विद्यार्थी कृषि विषय लिएर
पढ्न चाहेको र अन्यत्रबाट पनि कृषि प्राविधिक पढ्न इच्छुक विद्यार्थी आउने
सम्भावना रहेको बताएका छण ।
विसं २०१५ मा स्थापना भएको उक्त विद्यालयमा अहिले दुई
सयभन्दा बढी विद्यार्थी अध्ययनरत छन्।
- न्युज बहार संवाददाता
